Арқалық түрмесіне есірткі жеткізгендерге қатысты үкім

Қостанай облысының қылмыстық істер жөніндегі мамандандырылған ауданаралық сотының судьясы А.А.Көлбаева 2014 жылғы 11 сәуірде алқабилердің қатысуымен ҚР ҚК-нің  235-бабы  1-бөлігі , 235-4 бабы 1, 2 бөлігі, 259-бабы 4-бөлігінің «а» тармағы бойынша А.Б.Акильжановқа;  ҚР ҚК-нің 235-бабы 2-бөлігі, 235-4 бабы 1, 2 бөлігі, 259-бабы 4-бөлігінің «а» тармағы бойынша А.В.Слесаренкоға; ҚР ҚК-нің 235-бабы 2-бөлігі, 259-бабы 4 бөлігінің «а» тармағы бойынша Д.А.Бейсенбаевқа, Б.А.Асанхановқа, А.Г.Вахрушевке, К.А.Медведевке, Ж.Ж. Молдағалиға; ҚР ҚК-нің 259-бабы 3-бөлігінің «а»,«б»,«в» тармағы бойынша А.В.Родэрмельге қатысты қылмыстық істі қарады.

Қостанай облысы бойынша ҚАЖД УК 161/12 түзеу мекемесі аумағында сотталушыларға есірткі заттарын жеткізіп жүрген ұйымдасқан қылмыстық топ құрылған болатын.

Сотталушылар түрме аумағында есірткі заттарын жеткізіп, оны таратумен айналысқан. Ұйымдасқан қылмыстық топ құрамында УК 161/12 қызметкерлері мен жергілікті тұрғындар болған. Олар ҚР оңтүстік өңірлерінен Арқалық қаласына есірткі заттарын сатып алу мен тасымалдауды ұялы байланыс арқылы жасаған.

Сот үкімі бойынша А.Б. Акильжанов  ҚР ҚК-нің 235-бабы 1-бөлігі, 235-4 бабы 2-бөлігі, 259-бабы 4-бөлігінің «а» тармағы бойынша ерекше тәртіптегі түзеу мекемесінде жазасы өтеумен 17 (он жеті) жылға бас бостандығынан айырылды.

Сот үкімі бойынша А.В. Слесаренко  ҚР ҚК-нің 235-бабы 2-бөлігі, 235-4 бабы 2-бөлігі, 259-бабы 4-бөлігінің «а» тармағы бойынша ерекше тәртіптегі түзеу мекемесінде жазасы өтеумен 16 (он алты) жыл 6 (алты) айға бас бостандығынан айырылды.

Сот үкімі бойынша Д.А. Бейсенбаев  ҚР ҚК-нің 235-бабы 2-бөлігі , 259-бабы 4-бөлігінің «а» тармағы бойынша ерекше тәртіптегі түзеу мекемесінде жазасы өтеумен 16 (он алты) жыл 6 (алты) айға бас бостандығынан айырылды.

Сот үкімі бойынша Б.А. Асанханов  ҚР ҚК-нің 235-бабы 2-бөлігі , 259-бабы 4-бөлігі «а» тармағы бойынша ерекше тәртіптегі түзеу мекемесінде жазасы өтеумен 16 (он алты) жыл 6 (алты) айға бас бостандығынан айырылды.

Сот үкімі бойынша Ж.Ж. Молдагали  ҚР ҚК-нің 235-бабы 2-бөлігі , 259-бабы 4-бөлігі «а» тармағы бойынша қатаң тәртіптегі түзеу мекемесінде жазасы өтеумен 15 (он бес) жыл 6 (алты) айға бас бостандығынан айырылды.

Сот үкімі бойынша К.А. Медведев  ҚР ҚК-нің 235-бабы 2-бөлігі , 259-бабы 4-бөлігінің «а» тармағы бойынша қатаң тәртіптегі түзеу мекемесінде жазасы өтеумен 16 (он алты) жыл  бас бостандығынан айырылды.

Сот үкімі бойынша А.Г. Вахрушев ҚР ҚК-нің 235-бабы 2-бөлігі , 259-бабы 4-бөлігінің «а» тармағы бойынша қатаң тәртіптегі түзеу мекемесінде жазасы өтеумен 15 (он бес) жыл   6 (алты) айға бас бостандығынан айырылды.

Сот үкімі бойынша А.Г. Родэрмель  ҚР ҚК-нің 259-бабы 3-бөлігінің «а,в» тармағы бойынша қатаң тәртіптегі түзеу мекемесінде жазасы өтеумен 10 (он ) жылға  бас бостандығынан айырылды.

Үкім заңды күшіне енген жоқ.