жм, 11/04/2014 - 11:08
Қостанай қаласының №2 соты жалған террорлық акт туралы қылмыстық ісін қарады.
Ішімдік ішіп алған 35 жастағы қостанайлық 2014 жылғы 24 қаңтарда сағат 04.18-та, қасақана, телефон арқылы «Қостанай қаласы ІІБ» ММ ғимаратында жарылғыш зат қойылған деп хабарлаған.
2014 жылғы 9 сәуірдегі үкіммен азамат К. ҚР ҚК-нің 242 –бабы бойынша кінәлі деп танылып, оған үш жылға бас бостандығынан шектеу жазасы тағайындалды.
Жаза мерзіміне қамауда және тергеуде болған уақыты есептелді және түпкілікті 2 жыл 7 ай 6 күн бас бостандығын шектеу жазасы белгіленді.
Сот үкімімен сотталушыға міндеттер жүктелді. Қамауға алу бұлтартпау шарасы тиісті тәртіп пен ешқайда кетпеу туралы қолхатына өзгертілді.
Прокурор талабы қанағаттандырылды, кінәліден мемлекет пайдасына 8 942 теңге өндірілді.
Үкім заңды күшіне енген жоқ.