Қостанай облыстық сотыжм, 02/04/2021 - 16:42
Баспаға арналған нұсқасы
Хат жолдау
Егер заңда тиісті мәселелерді соттың шешуі көзделсе, сот бұл мәселелерді әділдік пен парасаттылық өлшемдерін негізге ала отырып шешуге міндетті.
Қостанай облыстық сотының төрағасы Анатолий Смолиннің төрағалығымен өткен апелляциялық алқа "Қостанай облысы бойынша ішкі мемлекеттік аудит департаменті" РММ ұйғарымын заңсыз деп тану туралы "Рудный қалалық көп бейінді ауруханасы" КМК-ның өтініші бойынша азаматтық істі қарау кезінде осы қағидатты басшылыққа алды.
Іс материалдарынан бақылаушы орган короновирустық инфекциямен күреске бюджет қаражатын пайдалану мәселесі бойынша жүргізілген тексеру шеңберінде "COVID-19 коронавирусына қарсы күрес шеңберінде эпидемияға қарсы іс-шараларға тартылған Денсаулық сақтау жүйесінің қызметкерлерін қаржылық қолдаудың кейбір мәселелері туралы" Қазақстан Республикасы Денсаулық сақтау министрінің 2020 жылғы 4 сәуірдегі № ҚР ДСМ-28/2020 бұйрығымен белгіленген дәрігерлерге негізсіз үстемеақы төлеуге әкеп соққан еңбек заңнамасын бұзушылықтарды анықтағаны анықталды.
Аудиторлық қорытындыға сәйкес, еңбек заңнамасының бұзылуы үстеме ақы төлеу дәрігерлерді ауыстыру және еңбек шартына өзгерістер енгізу туралы қайталанатын бұйрықтарсыз жүзеге асырылатындығында болды.
Тексеру қорытындысы бойынша аурухананың кірісіне 2 млн теңгеге жуық соманы қалпына келтіру туралы ұйғарым шығарылды, ол инфекциялық стационардағы жұмысы үшін екі дәрігерге үстемақы түрінде төленді. Шығарылған нұсқаманы орындаудың салдары-дәрігерлердің төленген үстемеақыны қайтаруы.
Қостанай облысының мамандандырылған ауданаралық экономикалық соты бақылаушы органның іс-әрекетін заңды деп таныды, нұсқаманың күшін жоюдан бас тартылды.
Сот алқасы аурухананың апелляциялық шағымы бойынша бұл істі қайта қарап, еңбек заңнамасының бұзылуы ресми сипатта болғанын анықтады. Дәрігерлер 2020 жылғы сәуір – тамызда белгіленген төтенше жағдай және карантин режимінің қолданылуы кезеңінде стационарда іс жүзінде дәрігерлік қызметті жүзеге асырды.
Талап арызды қанағаттандыру туралы жаңа шешім шығарумен шешім жойылды. "Қостанай облысы бойынша ішкі мемлекеттік аудит департаменті" РММ-нің шағымданған бөлігіндегі ұйғарымының күші жойылды, тиісінше төленген үстемеақылар аурухананың кірісіне қайтарылуға жатпайды.
