Дс, 12/12/2016 - 15:59
Қостанай облысының қылмыстық істер жөніндегі мамандандырылған ауданаралық сот қарауына ҚР ҚК-нің 99-бабы 1-бөлігі бойынша (адам өлтіру) айыпталған 1992 жылғы Ж-ға қатысты қылмыстық іс түсті.
Іс материалдары бойынша, ағымдағы жылдың 26 қыркүйегінде Лисаков қаласында кешкі сағат 9 шамасында Ж. 32 жастағы жәбірленуші П-мен көлікке отырып қала сыртына шығып, ортақ келісіммен жыныстық қатынасқа түскен. Осыдан кейін жәбірленуші П. жақын құрбысы бола тұра онымен жақындасқан жігіт әрекетінің дұрыс еместігін айтып Ж-ны айыптай бастайды. Және де болған жайтты бойжеткенге айтып салуға уәде етеді. Бұған ашу шақырған Ж. әйелді өлтіруге шешім қабылдап, екі қолымен П-ны буындыра бастайды. Жәбірленуші оқиға орнында қаза тапқан. Ж. өлі денені саяжайлық үйдің жерқоймасына жасырған.