Автокөлікті мас күйінде жүргізген Ұзынкөл ауданының тұрғыны 20 тәулікке қамауға алынды
Қостанай облысының Ұзынкөл аудандық сотында ҚР ӘҚБтК 608-бабы 6-бөлігі бойынша айыпталған (жүргізушінің көлік құралын алкогольдік масаң күйде басқаруы) 42 жастағы азамат С-ға қатысты әкімшілік істі қарады.
Іс материалдары бойынша, ағымдағы жылдың 4 қаңтарында сағат 10 шамасында Ұзынкөл ауданының Тайсоған ауылында жүргізуші куәлігі жоқ С. «ВАЗ-21100» автокөлігін мас күйінде басқарған.
Сот қаулысымен азамат С. әкімшілік жауапкершілікке тартылып, оған 20 тәулікке қамауға алу түріндегі жаза тағайындалды.