Екі көлік жүргізуші зардап шеккен жол-көлік оқиғасына кінәлі азамат 20 тәулікке қамауға алынды

Қостанай қаласының мамандандырылған әкімшілік соты ҚР ӘҚБтК 608-бабы 6-бөлігі бойынша айыпталған 41 жастағы адамат Т-ға қатысты әкімшілік істі қарады.

Ағымдағы жылдың 8 қыркүйегінде сағат 10.00 шамасында Қостанайда азамат Т. жүргізуші куәлігі болмауына қарамастан "ВАЗ 21043" маркалы автокөлігін басқарып, Абай-Толстой көшелерінің қиылысында  «Hyunday» автокөлігімен соғылған. Соққы серпіні салдарынан екінші көлік  «Volkswagen» маркалы көлікке соқтығысқан.

Жол-көлік оқиғасы көліктерді зақымдап, иелеріне материалдық залал келтірген.

Сот қаулысымен азамат Т. әкімшілік құқық бұзушылықта айыпты деп танылып, 20 тәулік қамауға алу жазасы тағайындалды.

Сот қаулысы заңды күшіне енген жоқ.