Қостанай облыстық соты ұрланған бұйымдарды қабылау фактісі бойынша ломбардты тексеру үшін прокурор атына жеке ұйғарым шығарды
Қостанай облыстық соты Рудныйдағы ломбардтардың бірінің одан қарыз ақшаны өндіру туралы талабы негізінде шығарылған сот шешімімен келіспеген азаматтың шағымы бойынша азаматтық істі қарады.
Өткен жылдың 5 желтоқсанында азамат В. кепілдік қалдыру келісім шарты негізінде ломбардқа ноутбук тапсырып 25 000 теңге несие алған. Уақытында азамат қарыз ақшаны қайтармаған, ал ноутбук ішкі істер органдары тергеп жатқан қылмыстық іс негізінде ломбардтан алынған. Кепілдік заттан да, ақшадан да айырылған ЖШС сотқа жүгінген.