Сот шешімімен малды соғып көлігін зақымдаған азаматтың пайдасына шығын өтемі өндірілді
Қостанай қалалық сотының шешімімен азаматтық іс бойынша жауапкерден 2 млн. теңге өндірілді. Сотқа 2012 жылы шыққан "Тайота ланд Крузер" маркалы автокөлігін жолдан өткен сиырмен соқтығысу салдарынан зақымдаған талапкер жүгінген болатын.
Оқиға ағымдағы жылдың сәуір айында КЖБИ шағын ауданындағы тас жолда сағат түнгі 12 шамасында орын алған. Жүргізуші қала шетіндегі көшелердің бірінде иесіз жол үстінен өтіп жара жатқан сиырды соғып көлігін зақымдаған. Мал иесі ҚР ӘҚБтК 615 бабы 2 бөлігі бойынша жауапкершілікке тартылды.